ओखलढुंगामा कोरोना संक्रमणबाट पहिलो मृत्यु

ओखलढुंगा- कोरोना संक्रमणबाट पहिलोपटक ओखलढुंगामा एकजनाको मृत्यु भएको छ ।

६ जनाको ओखलढुंगामा नभई अन्यत्र कोरोना संक्रमणबाट मृत्यु भइसके पनि जिल्लामै कोरोना संक्रमितको मृत्यु भएको यो पहिलो घटना हो ।

जिल्ला स्वास्थ्य कार्यलय ओखलढुंगाका प्रमुख सुमन तिवारीले सिद्धिचरण नगरपालिका ११ की ५८ वर्षीया महिलाको सोमबार ओखलढुंगा सामुदायिक अस्पतालमा उपचाररकै क्रममा मृत्‍यु भएको बताए ।

जेठ ७ गते उनीमा कोरोना पुष्टि भएको बताइएको छ । मृतक श्रेष्ठलाई श्वासप्रश्‍वासमा समस्या भएपछि अस्पतालमा भर्ना गरिएको थियो । उनको अक्सिजन लेवलसमेत कम रहेको थियो ।

सव व्यवस्थापनका लागि डिसिसिएमसीको बैठक बसिरहेको छ । बैठकको निर्णयअनुसार शवको व्यवस्थापन गरिने तयारी गरिएको छ ।