बागलुङ र विराटनगरमा थप दुई जना संक्रमितको मृत्यु

काठमाडौँ- कोरोना संक्रमणबाट बागलुङमा थप एक जनाको मृत्यु भएको छ । स्वास्थ्य कार्यालय बागलुङका कोभिड–१९ फोकल पर्सन देवप्रकाश घिमिरेले बागलुङ नगरपालिका-४ का ७८ वर्षीय पुरुषको मृत्यु भएको जानकारी दिएका छन् ।

धौलागिरी अस्पतालमा उपचाररत पुरुषको बिहीबार बिहान साढे पाँच बजे मृत्यु भएको हो।मृतक पुरुषलाई गत बैशाख २० गते कोरोना संक्रमण पुष्टि भएको थियो। कोरोनासँगै उच्च रक्तचाप, मधुमेह रोगको समेत समस्या रहेको कोभिड फोकल पर्सन घिमिरेले बताए ।

यो सँगै बागलुङमा मृत्यु हुनेको संख्या १४ पुगेको छ। कुल १३ सय ९१ जना संक्रमित भइसकेको यस जिल्लामा हाल २ सय ७४ जना संक्रिय संक्रमित छन् । ११ सय ८ जना निको भइसकेका छन् ।