दक्षिण कोरियाको किम्चि उद्योगमा कार्यरत नेपाली सहित १७ जनालाई कोरोना संक्रमण

सोल- दक्षिण कोरियाको नोगसान स्थित किम्चि उत्पादन स्थलमा समुहमा कोरोना संक्रमण फेला परेको छ ।

हाल सम्म उक्त कम्पनीमा कार्यरत १७ जनामा कोरोना संक्रमण पुष्टि भइसकेको छ । समाचारमा बताइए अनुसार उक्त कम्पनिमा काम गर्ने एक नेपाली महिलामा हिजो मात्र कोरोना संक्रमण पुष्टि भएको हो ।

ती महिलाले रुघाखोकीको लक्षण देखिए पश्चात च्योङयाङ हुन स्वास्थ्य केन्द्रमा गएर परिक्षण गराउदा कोरोना संक्रमण पाइएको समाचारमा बताइएको छ । ति महिलामा कोरोना संक्रमण पाइए पश्चात कन्ट्याक ट्रेसिङका आधारमा अन्य १३१ जनाको कोरोना परिक्षण गरिएको थियो ।

उनीसँगै नजिकको सम्पर्कमा रहेका अन्य २६ जनालाई क्वारेन्टाइनमा राखिएको छ भने कम्पनीलाई निर्मलीकरण समेत गरिएको छ ।

उनीसँगै सोही कम्पनिमा कार्यरत अन्य १६ जनामा समेत कोरोना संक्रमण पाइएको छ । ३० देखी ६० बर्ष उमेर समुहका उनीहरुमा समेत संक्रमण पाइएको हो ।

कोरोना संक्रमण पाइएकी ति महिलामा कसरि कोरोना संक्रमण भयो भन्ने बारे कुनै जानकारी प्राप्त नभएको र विस्तृत अनुसन्धान पश्चात मात्र उक्त जानकारी पत्ता लाग्ने स्वास्थ्य अधिकारीहरुले बताएका छन् ।