एकैदिन पर्सामा थपिए आज सम्मकै बढी संक्रमित

वीरगञ्ज – पर्सामा एकै दिन अहिलेसम्म कै सबैभन्दा बढी एक सय ५३ जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा सोमबार राती पर्साका ६८ जना तथा वीरगञ्जको नारायणी बयोधा अस्पतालका मात्रै डाक्टर, नर्स, बिरामी गरी ३० जना र वीरगञ्जको नारायणी अस्पतालको प्रयोगशालामा गरिएको परिक्षणमा सोमबार राती आएको रिर्पोट अनुसार पर्साका ५५ जना गरी १ सय ५३ जनामा कोरोना संक्रमण पुष्टि भएको हो ।

गत साउन २६ र २७ मा नारायणी अस्पतालको प्रयोगशालामा पीसीआर किट अभाव भएपछि संकलति ११ सयभन्दा बढी स्वाब परीक्षणका लागि केन्द्रीय प्रयोगशाला काठमाडौं पठाइएकोमा ति स्बावहरु प्रिक्षण गर्दा पर्साका ६८ जना र वीरगञ्जको नारायणी बयोधा अस्पतालका डाक्टर, नर्स , बिरामीको स्बाव परिक्षण गर्दा अन्य ३० जनामा संक्रमण पुष्टि भएको हो ।

जिल्ला स्वास्थ्य कार्यालय पर्साका अनुसार सोमबार राति टेकु प्रयोगशालाले पठाएको संक्रमितको विवरणअनुसार पर्साका १६ महिलासहित थप ६८ जना र बयोधा अस्पताल अन्य ३० जनामा कोरोना संक्रमण देखिएको हो ।
वीरगञ्ज महानगरपालिका वडा नम्बर ११ मा रहेको श्रीपुर विद्यापीठ माध्यमिक विद्यालयमा स्वाब दिएकामध्ये ५७ जनामा र त्रिजुद्ध माध्यमिक विद्यालयमा स्वाब दिएका मध्येबाट ११ जनामा गरी ६८ जनामा संक्रमण पुष्टि भएको जिल्ला स्वास्थ्य कार्यालय पर्साका स्वास्थ्य निरीक्षक जयमोद ठाकुरले जानकारी दिएका छन् ।

बयोधा अस्पतालका ६ जना डाक्टर, ११ जना नर्स, १२ जना कर्मचारी र १ जना बिरामी गरी ३० जनामा संक्रमण पुष्टि भएको स्वास्थ्य निरीक्षक जयमोद ठाकुरले जानकारी दिए ।

त्यसैगरी सोमबार राति नारायणी अस्पतालको प्रयोगशालामा गरिएको परीक्षणमा पर्साका ५५ जनामा कोरोना पुष्टि भएको थियो । नारायणी अस्पतालबाट पुष्टि भएका संक्रमितहरुमा पर्साको बहुदरमाई नगरपालिकाका २५ जना रहेका छन् । बहुदरमाई नगरपालिका वडा नं. ४ बहुअरीका २० जना र वडा नम्बर ५ , ६ , ७ , ८ , ९ का १÷१ जना गरी २५ जनामा संक्रमण पुष्टि भएको हो ।

त्यस्तैगरी थपिएका अन्य संक्रमितमा जिल्ला प्रहरी कार्यालय पर्सामा कार्यरत ५ जना र वडा प्रहरी कार्यालय विर्तामा कार्यरत २ जनागरी ७ जना प्रहरी , नारायणी अस्पतालका एक जना चिकित्सक, एक जना ओपिडीका कर्मचारी , वीरगञ्ज महानगरपालिका वडा नं. १० मुर्ती चोकका ८ जना र वीरगञ्ज १ छपकैयका ६ जना , वीरगञ्ज ४ वीर्ताका ३ जना , नेशनल मेडिकल कलेजका २ जना , वीरगञ्ज ८ , ११ , १४ र १६ का १÷१ जना रहेको स्वास्थ्य निरिक्षक ठाकुरले जानकारी दिए ।
टेकु प्रयोगशालाको पर्साका ६८ र वीरगञ्जको बयोधा अस्पतालका ३० जना अनि वीरगञ्जको नारायणी अस्पताल प्रयोगशालाको ५५ गरी सोमबार मात्र पर्सा जिल्लामा १५३ जना नयाँ संक्रमित थपिएका हुन् । सोमबार थपिएका १५३ जना संक्रमितसँगै पर्सा जिल्लामा संक्रमितको संख्या १ हजार ४ सय ७४ पुगेको जिल्ला प्रशासन कार्यालय पर्साले जनाएको छ ।