कोरोनाले थप दुईजनाको मृत्यु, कूल ४२ संक्रमितको मृत्यु

काठमाडौँ – नेपालमा कोरोना संक्रमणका कारण थप दुई जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले धनुषाका ६० वर्षीय पुरुष रहेका छन् । जनकपुर उपमहानगरपालिका बस्ने पुरुषलाई खोकी, उच्च ज्वरो र श्वासप्रश्वासमा समस्या भएपछि २ साउनमा बिपी कोइराला स्वास्थ्य विज्ञान प्रतिष्ठान धरानमा भर्ना गरिएको थियो । भेन्टिलेरटरमा राखेर सघन उपचारकै क्रममा मंगलबार उनको निधन भएको गौतमले बताए ।

अर्को मृत्यु हुनेमा ४९ वर्षीया चिनियाँ नागरिक महिलाको मृत्यु भएको हो । उनि पोखरामा काम गरेर बस्ने चिनियाँ नागरिक बिरामी भई मणिपाल अस्पताल भर्ना गरिएकोमा उनको अवस्था जटिल भएपछि २ साउनमा हेलिकोप्टरमा ग्रान्डी अस्पताल काठमाडौंमा ल्याएर उपचार गरिएको थियो ।

कोरोना संक्रमण पुष्टि भएपछि त्रिवि शिक्षण अस्पतालमा उपचारकै क्रममा बुधबार उनको निधन भएको गौतमले जानकारी दिए ।

योसँगै नेपालमा कोरोना संक्रमणबाट निधन हुनेको संख्या ४२ पुगेको छ ।