मुस्ताङमै अलपत्र ६८ पर्यटक

काठमाडौँ – मुस्ताङ पुगेका ६८ जना पर्यटकहरुको आझैपनी उद्धार हुन सकेको छैन। लकडाउन हुन आगाडी नै अन्नपूर्ण चक्रीय पदमार्ग हुँदै मुस्ताङ उनीहरु पुगेका थिए ।

सरकारले लकडाउन घोषणा गरेपछि सरकारले त्यहाँ भएका १२१ जनाको उद्धार गरेर काठमाडौं लगिए पनि ६८ जना भने मुस्ताङमै रहेका छन् ।

मुस्ताङका प्रमुख जिल्ला अधिकारी वेदप्रसाद अर्यालका अनुसार अमेरिका, फ्रान्स, जर्मनी, इटाली, स्पेन, क्यानडा, पोर्चुगल, बेलायत, कुक्रेन, न्युजिल्याण्डलगायतका मुलुकका पर्यटकहरुलाई उद्धार गरी बसमार्फत पोखरा हुँदै काठमाडौं पठाइएका छन् । अर्यालले मुस्ताङमा बाँकी रहेका पर्यटकको भने स्वास्थ्य जाँच गरी होटलमा राखिएको जानकारी दिए ।