सौर लाल मोदि रिटर्नी सेन्टर नेपाल मोरङ जिल्लाको अध्यक्षमा

फागुन ३० गते पथरी शनिश्चरे-१ हरियाली सामुदायिक वनको सभाहलमा रिटर्नी सेन्टर नेपाल मोरङको प्रथम जिल्ला सम्मेलन सम्पन्न भएको छ ।

नेकपा(माओवादी केन्द्र)मोरङ इन्चार्ज कुल प्रसाद साम्बा(कुशल)को प्रमुख आतिथ्यतामा भएको सम्मेलनले सौरलाल मोदिको अध्यक्षतामा २५ सदस्य जिल्ला कमिटी सर्बसम्मत चयन गरेको छ l  सम्मेलनमा लेटाङ नगरपालिकाबाट नरेश पथिकको संयोजकत्वमा १२ जनाको उत्पादन ,प्रबिधी कमिटि पनि चयन गरेको छ l प्रमुख अतिथि साम्बाले रिटर्नी सेन्टर नेपाल अन्य जनबर्गिय संगठन भन्दा फरक छ र अहिले यो संगठन चलायमान छ र आजको आवश्यकता पनि भएको बताए l प्रमुख अतिथि साम्बाले उत्पादनसित जोडेर रोजगारीको सिर्जना गर्ने भएकोले यो संगठन पार्टीको लागि भोलिको आशाको केन्द्र पनि भएको बताए l त्यस्तै बिशेष अतिथि रिटर्नी सेन्टर नेपाल प्रदेश नं १ का फ्र्याक्सन इन्चार्ज गगन पुरीले रिटर्नी सेन्टर नेपालले उत्पादन जोडिएर रोजगारी सृजना गर्ने संगठन भएकोले पार्टीको तर्फ़बाट हरेक तवरले सहयोग गर्ने बताए l

राजकुमार बिश्वकर्माको अध्यक्षतामा भएको सम्मेलनमा रिटर्नी सेन्टर नेपालका केन्द्रिय सचिवालय सदस्य तथा अन्तराष्ट्रिय ,उत्पादन ,प्रबिधि विभागका प्रमुख रमेश तुफान पण्डितले करिब १ करोड २५ लाख नेपालीहरु बिदेसिएका मध्यमा १८ लाख नेपालीहरु स्वदेश फर्केका र अझै फर्किने क्रममा रहेकोले नेपाल सरकारका ३ तहकै निकायले रिटर्नीहरुको पुनर्स्थापना गरे देश बिकासमा फड्को मार्ने बताए l सरकारले विदेश जान युवा पुस्तालाइ नरोके र रिटर्नीहरुलाई पुनर्स्थापना गर्न नसके देशमा युवाहरुको कमि भइ देशको हरेक क्षेत्रको काम गर्न भारतीय तथा बिदेशी नागरिक बोलाउनुपर्ने अवस्था आई देश समस्यामा पर्न सक्ने बताए l । अन्तराष्ट्रिय विभागका प्रमुख पण्डितले रिटर्नी सेन्टर नेपाललाई राजनैतिक दलको मात्र नभई सबैको साझा संगठन बनाई अब रिटर्नीहरुको श्रम ,सीप ,अनुभव ,क्षमता ,पूजीं र प्रबिधि प्रयोग गरेर उत्पादनमा जोडी रोजगारीको सिर्जना गर्नुपर्ने बताए l सम्मेलनमा रिटर्नी सेन्टर नेपालका १ नं प्रदेशका संयोजक बिशाल भण्डारी , सहसंयोजक गणेश कालिकोटे, अन्तराष्ट्रिय विभागका संयोजक राम संजेल ,मोरङ जिल्ला इन्चार्ज जनक कंडेल , पार्टीका विभिन्न पदाधिकारीहरु तथा रिटर्नी सेन्टर नेपालका प्रदेश ,जिल्लाका इन्चार्ज ,संयोजक ,विभिन्न पदाधिकारीहरु पनि उपस्थिति भएका थिए l