बिष्णु केसि रिटर्नी सेन्टर नेपाल सुदुरपश्चिम प्रदेशको अध्यक्षमा

फागुन ३० गते धनगढी मालिकार्जुन दार्चुला सेवा समितिको हल तारानगरमा रिटर्नी सेन्टर नेपाल सुदुरपश्चिम प्रदेशको प्रथम प्रदेश सम्मेलन सम्पन्न भएको छ ।

नेकपा( माओबादी केन्द्र )का केन्द्रिय सदस्य बिरमान चौधरीको प्रमुख आतिथ्यमा भएको सम्मेलनले अध्यक्षमा बिष्णु केसि , उपाध्यक्षमा तेज रोकाय, सचिबमा पुर्णराज अबस्थि सहित २१ सदस्यीय सुदुरपश्चिम प्रदेशको कमिटी सर्बसम्मत चयन गरेको छ l प्रमुख अतिथि चौधरीले धेरै जनबर्गिय संगठनलाई हेर्यो पटक पटक तर हामीले नमुनाको संगठन बनाउन नसकेको बताए तर यसपाली हामीले रिटर्नी सेन्टर नेपाललाई नमुनाको संगठन बनाउने प्रयासमा लागेका छौं l उहाँले विदेशबाट फर्केर श्रम ,सीप ,पूजी र प्रबिधि बोकेर आएका रिटर्नीहरुले रोजगारी सृजना गरि देश विकासमा सहयोग तथा पार्टीका लागि आकर्षक जनमत,सदस्यता वृद्धि गराई नमुनाको संगठन बनी नेकपा( माओबादी केन्द्र ) लाई पुन उचाइमा पुर्याउने बिश्वास व्यक्त गरे l त्यस्तै विशिष्ट अतिथि पार्टी प्रदेश सचिव जनक बुढाले रिटर्नि सेन्टरको संगठन निर्माणको लागि पार्टीले सहयोग गर्ने बताए l

रिटर्नी सेन्टर नेपालका केन्द्रिय सहसंयोजक तथा सुदुरपश्चिम इन्चार्ज अस्मित सिंहले रिटर्नी सेन्टर नेपालको परिचय ,पार्टीको लागि आवश्यकता र महत्वबारे आफ्नो धारणा राखेका थिए l सहसंयोजक सिंहले पार्टीका रिटर्नीहरु ,कार्यकर्ताहरुलाई उधमी तथा ब्यबसायी बनाई आत्मनिर्भर बनाउन र रोजगारी सिर्जना गर्ने उदेश्यले स्थापना भएको रिटर्नी सेन्टर नेपालले भविष्यमा नेपालभरी लाखौं जनताहरुको लागि रोजगारी सिर्जना गर्ने बताए l उहाँले पार्टीले अब दर्शन र विचार पढाउने भन्दा पहिले कार्यकर्ताहरुलाई उधमी र ब्यबसायी बनाई आत्मनिर्भर बनाउनुपर्यो ,आत्मनिर्भर पश्चात दर्शन र विचार पढाउनु पर्ने बताए l त्यस्तै रिटर्नी सेन्टर नेपाल सुदुरपश्चिम प्रदेशका अध्यक्ष बिष्णु केसीले सुदुरपश्चिमको जिल्ला ,पालिकामा रिटर्नीहरुको संगठन तिब्र रुपमा निर्माण गर्ने बताए l सम्मेलनमा निर्बाचन आयोग सुदुरपश्चिम का प्रतिनिधि तथा बरिष्ठ अधिबक्ता तुलाराम गिरि  अथिति अखिल क्रान्तिकारी प्रदेश मुख्य सचिब डम्बर भट्टराई तथा प्रदेश , जिल्ला तथा पालिकाका विभिन्न पदाधिकारी पनि सहभागिता रहेका थिए l