जापानमा गर्मी मौसममा सितल दिने फेस मास्क बनाइदै

टोकियो- जापानका कैयौँ फेस मास्क निर्माता यति बेला गर्मि मौसममा प्रभावकारी हुने फेस मास्कको निर्माणमा जुटेका छन् ।

गर्मी मौसममा मानिसहरुमा पसिना धेरै आउने तथा तातो हुने भएका कारण कम्पनिहरु उक्त समस्याको समाधान गर्दै सुख्खा तथा चिसो बनाउने फेस मास्कको निर्माणमा जुटेका छन् ।

गर्मी मौसम सुरु भए सँगै जापान तथा विश्वका धेरै मुलुकहरुले मौसम सुहाउदो मास्कको मनस्कको खोजि गरिरहेका छन् । गर्मी बढे सँगै मानिसहरुमा स्वासप्रश्वास समस्या बढेको तथा जल वियोजनको समस्या समेत बढेका कारण मानिसहरुले त्यस्ता मास्कहरुको खोजि गरेको फेस मास्क निर्माता कम्पनिहरुले बताएका छन् ।

जापानको मिजुनो कम्पनिले ट्राईकोटको प्रयोग गरि सीतल प्रदान गर्ने मास्क निर्माण गर्न थालिएको बताएको छ । स्विमसुट तथा गर्मी मौसममा खेलिने एथलेटिक्समा पनि सोही कपडाको प्रयोग गरिन्छ । उक्त मास्कको बजार मुल्य ८.५ अमेरिकी डलर पर्ने पनि कम्पनिले जनाएको छ । ट्याक्स सोही मुल्यमा समावेश गरिएको कम्पनिले बताएको छ ।

यता ब्याडमिन्टनका सामग्रीहरु निर्माण गर्ने योनेक्स कम्पनिले तातो सोस्न सक्ने क्षमता भएको जिलिटल कपडाको प्रयोग गरि मास्क उत्पादन गर्ने बताएको छ ।

जुलाई सुरुबाट नै बजारमा ल्याईने उक्त मास्क शितल हुने कम्पनिको विश्वास छ ।

यि बाहेक अन्य कम्पनिहरु समेत गर्मी महिनामा प्रयोग गर्न मिल्ने मास्कको निर्माणमा जुटेको कम्पनिहरुले बताएका छन् । प्रारम्भिक चरणमा ति सबै कम्पनिका मास्कहरुको मुल्य ८ अमेरिकी डलरकै आसपास हुने बताइएको छ ।