यो हो जापानको अत्याधुनिक रेल स्टेशन

टोकियो- जापानले हालै आफ्नो बहुप्रतिक्षित रेलस्टेशनको उद्घाटन गरेको छ । जापानको यमानेते स्थित चक्रपथ रेल रोडमा उक्त स्टेशन बनाइएको हो ।

यो स्टेशन निर्माण पश्चात हानेडा अन्तराष्ट्रिय विमानस्थल तथा सिङ्कान्शेन बुलेट रेल स्टेशनसम्म जाने यात्रुहरुलाई सहजता भएको जापान रेलवेले जनाएको छ । यो रेल स्टेशन यमानेतेमा विगत ५० बर्षमा बनाईएको पहिलो स्टेशन हो ।

उक्त उद्घाटन समारोहमा करिव ३५० जना मानिस उपस्थित थिए । करिव विहान ४:१५ बजे उपस्थितहरुले जोडदार ताली सँगै रेललाई स्वागत गरि स्टेशनको उद्घाटन गरेका थिए । करिव १५ मिनेट स्टेशनमा बसेर उक्त रेल ३५० जना यात्रु सहित गन्तव्य तर्फ लागेको थियो ।

अत्याधुनिक बाटो पत्ता लगाउने रोबोट तथा चेक आउट सहितको क्याफे युक्त यक्त स्टेशन तामाचि र सिङ्घावा स्टेशनको बिचमा रहेको छ ।

सफा, उज्यालो तथा अत्याधुनिक स्टेशन आफ्नै क्षेत्रमा बने पछि स्थानिय बालक देखि बृद्धसम्म सबै खुशी भएका छन् ।

स्थानीय सबैले उक्त स्टेशन सञ्चालन पश्चात आफ्नो स्थानको रौनक नै फेरिएको तथा अन्य सम्भावनाहरु समेत झुल्किन थालेको स्थानियहरुले प्रतिकृया दिएका छन् ।