जापानको फाईभ ‘जी’ सय गुणा तीब्र

टोकियो- आगामी मार्च २७ मा फाइभ जी सेवा विस्तार गर्दै जापानी वायरलेस दुरसञ्चार कम्पनि सफ्टबक्स जापानकै पहिलो फाइभ जी विस्तार गर्ने कम्पनि बन्ने छ ।

कम्पनिका अनुसार हाल उ आफ्नो सुपर फास्ट इन्टरनेटका लागि कसरत गरिरहेको र फाइभ जी ले सो उद्देश्य पुरा गर्न सघाउने समेत बताएको छ ।

कम्पनिका अनुसार पहिलेको भन्दा मासिक करिव ९ अमेरिकि डलरमा फाइभ जी सेवा विस्तार गरिने भएता पनि पहिलेबाट नै सेवा लिइरहेकाहरुमा भने केहि नयाँ प्रावधान ल्याइने कम्पनिले जनाएको छ । आगामी अगष्टबाट कम्पनिले सो विषयमा नयाँ अफर निकाल्ने विश्वास गरिएको छ ।

सफ्टबक्स जापानको तेश्रो ठूलो जापानी दुरसञ्चार सेवा प्रदायक कम्पनि हो । यसले मार्च २७ पछि जापमनका ठूला र मुख्य शहरहरु टोकियो, ओशाका, चिवा, आइची, ईसिकावा र फुकोआकामा आफ्नो सेवा सुरु गर्ने बताएको छ ।

कम्पनिका अनुसार उसले सन् २०२३ सम्ममा करिव १०,००० वटा सव स्टेशनहरु राख्ने समेत जनाएको छ ।

फाइभ जी प्रविधिको सुरुवात पश्चात जापानमा हाल सञ्चालित इन्टरनेट भन्दा करिव १०० गुणा तीब्र गतिको ईन्टरनेट जनताले उपभोग गर्न पाउने छन् । यता सोनी तथा सार्प कम्पनिले हालै फाइभ जी फोनका मोडलहरु सार्वजनिक गरिसकेका छन् ।