नेपाल टेलिकमले वैशाख १ गतेबाट टेलिभिजन सेवा उपलब्ध गराउँदै

काठमाण्डौ-कम्पनीले आगामी वैशाख १ गतेदेखि आफ्ना ग्राहकलाई इन्टरनेटमा आधारित टेलिभिजन सेवा उपलब्ध गराउन लागेको हो। इन्टरनेटसँगै टेलिभिजन सेवा दिन कम्पनीले केही दिन अगाडी परीक्षण प्रशारण सम्पन्न गरेको हो।

सरकारी दूरसञ्चार कम्पनी नेपाल टेलिकमले इन्टरनेटमा आधारित टेलिभिजन (आईपीटीभी) सेवा उपलब्ध गराउने भएको छ। अप्टिकल फाइबर भएका मुख्य चार शहरहरूमा यो सेवा उपलब्ध गराउन लागेको नेपाल टेलिकममा प्रवन्ध निर्देशक दिल्लीराम अधिकारीले बताए। टेलिकमका अनुसार सोमबार पहिलो चरणको परीक्षण प्रसारण गरिएको छ। उक्त परीक्षण सकारात्मक भएको टेलिकमले जनाएको छ।

पहिलो चरणमा अप्टिकल फाइबर भएका मुख्य चार शहरहरूमा उक्त सेवा विस्तार गर्ने उनले बताए। ‘त्यसपछि देशव्यापी रुपमा यस्तो सेवा उपलब्ध हुनेछ।‘अहिले उक्त सेवा परीक्षणको काम भइरहेको छ।’ अधिकारीले बताए।

यो सेवा आउँदो वैशाख १ देखि ग्राहकलाई उपलब्ध गराउने कम्पनीको योजना रहेको छ। परिक्षण सफल भइरहेको छ । एक डेढ महिनापछि सो सेवा उपलब्ध गराउने तयारी भइरहेको छ । अप्टिकल फाइबर भएको मुख्य चार वटा शहरमा यो सेवा प्रदान गर्न लागेको हो। हाल यो सेवा वल्र्डलिंक, भायनेट, सुविसु, क्लासिक टेक लगायतका इन्टरनेट सेवा प्रदायक कम्पनीले इन्टरनेटमा आधारित टेलिभिजन सेवा प्रदान गर्दै आएका छन्। ती कम्पनीहरूले जस्तै टेलिकमले पनि अब ग्राहकलाई इन्टरेनटसँगै टेलिभिजन सेवा उपलब्ध गराउन लागेको अधिकारीले बताए।

हाल नेपालमा नेपाल दूर सञ्चार कम्पनी (नेपाल टेलिकम),युनाइटेड टेलिकम, एनसेल, नेपाल स्याटलाइट टेलिकम र स्मार्टदेलिकम गरी ५ वटा कम्पनीले इन्टरनेटसेवा उपलब्ध गराइराखेका छन्। ब्रोडब्याण्ड सेवा लिनेमध्ये ७८ प्रतिशत मोबाइलकर्ता छन् भने २१ प्रतिशत पिक्स वायर र वाँकी १ प्रतिशतमात्र वायरलेशबाट इन्टरनेट सेवा लिइरहेका छन्।

हाल नेपाल टेलिकमबाट १ करोड ३ लाख २२ हवार इन्टरनेट सेवा लिने ९ सय ४२ जनाले इन्टरनेट सेवा लिइरहेका छन्। यो कुल इन्टरनेटकर्ताको करिब ४९ प्रतिशत हो। गत कार्तिक मसान्तसम्म नेपालमा विभिन्न टेलिकम सेवा प्रदायकबाट २ करोड ११ लाख ७ हजार ५ सय ९० जनाले यस्तो सेवा लिइरहेको दूर सञ्चार प्राधिकरणले जनाएको छ।