कोरियाली गाडी कम्पनि हुण्डाईले हाइड्रोजन ट्रक लञ्च गर्ने

सोल-कोरियाली गाडी निर्माता कम्पनि ह्युण्डाईले सन् २०२३ सम्ममा हाईड्रोजन ट्रक सञ्चालनमा ल्याउने भएको छ ।

अत्याधिक क्षमता भएको हाइड्रोजन ग्यासको प्रयोग गरेर उसले हाल विश्वव्यापी रुपमा कब्जा जमाईरहेको विद्युतिय सवारिसाधनसँग प्रतिस्पर्धा गर्न सो ट्रक सञ्चालनका लागि गृहकार्य भइरहेको कम्पनिले जनाएको छ ।

यशु ग्याङवाङ पोर्ट अथोरिटीसँग आईतवार भएको सम्झौतामा कम्पनिले हाइड्रोजन पावर्ड ईञ्जिनको विकास र विस्तार गरि सोही अनुरुपका सवारी साधन समेत निर्माण गर्ने जनाएको छ ।

सम्झौता अनुसार ह्युण्डाई कम्पनिले डवल पावर युक्त हाइड्रोजन फ्युल इञ्जिन भएका ट्रकहरु लजिस्टिक उद्येश्यका निम्ति बनाउने छ । सम्झौता अनुसार सन् २०२३ सम्ममा त्यस्ता १० वटा गाडी बनाइसक्ने छ ।

सो प्रयोजनका लागि यशु ग्याङवाङ पोर्ट अथोरिटी ले सहयोग गर्ने छ र उक्त गाडिका लागि रिचार्ज स्टेशन समेत निर्माण गर्ने छ । सम्झौता अनुसार सन् २०२२ सम्ममा यशु ग्याङवाङ पोर्ट अथोरिटीले २००० बर्गमिटर क्षेत्रफलमा चार्जिङ स्टेशन निर्माण गरिसक्ने छ ।

ह्युण्डाई कम्पनिका अनुसार उक्त ट्रकले एक पटकको रिफ्युलिङमा २३० किमि यात्रा तय गर्न सक्ने छ । जो ग्याङवाङबाट बुसन समुद्री किनारासम्म हो ।

हाइड्रोजन इन्धन उपलब्ध गराउन ह्युण्डाई कम्पनिले सन् २०१८ मा स्वीस हाइड्रोजन ग्यास उत्पादक कम्पनि एचटु इनर्जीसँग सम्झौता गरिसकेको छ ।