सामसुङले फेब्रुअरीमा अर्को फोल्डेवल फोन सार्वजनिक गर्दै

काठमाडौँ – सामसुङले सन् २०२० को फेब्रुअरीमा अर्को फोल्डेवल फोन सार्वजनिक गर्ने जनाएको छ ।

क्लाम्सेल स्टाइलमा निकाल्न लागिएको उक्त स्मार्ट फोन माथि बाट तल तर्फ फोल्ड गर्न मिल्ने कम्पनिले जनाएको छ । यो फोन ग्यालेक्सी फोल्ड भन्दा फरक रहेको पनि कम्पनिले जनाएको छ । ग्यालेक्सी फोल्ड दायाँ बायाँ फोल्ड हुन्थ्यो भने यो फोन तल माथि फोल्ड हुने छ ।

कम्पनीले यो नयाँ फोन फेबु्रअरीमा अमेरिकाको सन् फ्रान्सिस्को शहरमा सार्वजनिक गर्दै छ । सन् २०२० मा अन्य कम्पनीहरुले पनि फोल्डेवल फोन सार्वजनिक गर्दै छन् ।

मेटोरोला कम्पनिले सन् २०२० को जनावरीमा आफ्नो पहिलो फोल्डेवल स्मार्ट फोन सार्वजनिक गर्दै छ भने हुवावे ले पनि आफ्नो फोल्डेवल स्मार्टफोन मेट एक्स सार्वजनिक गर्दै छ ।

यसले विश्वबजारमा फोल्डेवल फोनको बजार विस्तार राम्रो भइरहेको पनि संकेत गर्दछ ।