दक्षिण कोरियाले ‘ड्रोन एम्बुलेन्स’ आविष्कार गर्ने

सोल-दक्षिण कोरियाले ‘ड्रोन एम्बुलेन्स’ आविष्कार गर्ने भएको छ |

कोरिया नेशनल पार्क सर्भिस (केएनपीएस) ले जनाए अनुसार देशको १६ वटा अग्ला पहाडहरुमा आपतकालीन औषधि र राहत पुर्याउन आउदो बर्ष २०२० सम्ममा ‘ड्रोन एम्बुलेन्स’ को आविष्कार गरिने भएको हो |

‘ड्रोन एम्बुलेन्स’बनाउन यहाँको सरकारले आगामी बर्षको बजेटमा २। ०८ बिलियन वन छुट्याउने प्रस्ताव गरेको छ |

केएनपीएसले यस अघि २०१८ देखि बुखान पहाडमा यसको प्रयोग गरिरहेको छ |

पदमार्ग र पहाडमा ट्रेकिङ्ग गर्न गएका नागरिकहरु कुनै दुर्घटनामा परे तत्काल औषधि उपचार र उद्धार गर्ने उद्धेश्यले यस प्रकारको ड्रोन आविष्कार गर्न खोजिएको हो |

ड्रोनमा स्वचालित क्यामेराका साथै बाह्य डिफिब्रिलेटर र जीपीएस प्रविधि प्रयोग गरिने भएकाले दुर्घटनामा भएका व्यक्तिहरुको तुरुन्त खोजि गर्न सक्दछ |

ड्रोन एम्बुलेन्सलाई अझ बैज्ञानिक र ब्यबहारिक बनाउन प्राबिधिक तथा बैज्ञानिक अनुसन्धान भैरहेको योन्हाप समाचार समितिले जनाएको छ |