राष्ट्रिय आविस्कार केन्द्रमा ड्रोन बनाउदै दीपेन्द्र

काठमाडौं-शनिबार दिउसो २ बजे त्रिभुवन विश्व बिद्यालय कीर्तिपुरमा रहेको राष्ट्रिय आविस्कार केन्द्रमा गुल्मीका दिपेन्द्र बस्नेत हाइब्रिड ड्रोनको पार्ट पुर्जा मिलाउन व्यस्त थिए | यसरि उनि व्यस्त भएको दुई हप्ता भयो | यो हाइब्रिड ड्रोन बनाउनुको उद्धेश्य भने मेडिकल डेलिभरी गर्नु रहेको छ |

यो ड्रोनबाट दुर्गम र बिकट ठाउंहरुमा साना स्वास्थ्य उपकरण , औषधी सिरिन्ज डेलिभरी गर्न सकिन्छ | करिब ३५ हजार रुपैयाँको लागतमा यो ड्रोन अर्को हप्ता सम्ममा बनाइ सक्ने दिपेन्द्रको योजना छ |

दीपेन्द्रले आविस्कार केन्द्रबारे कक्षा ९ / १० मा अध्ययन गर्दै थाहा पाएका थिए | केन्द्र बारे समाचार,साथीभाई र वेबसाइट बुझेका थिए | प्लस टू सकेर आइटीमा स्नातक पढ्न काठमाडौं आएका उनि सोझै आविस्कार केन्द्र हान्निए | करीव बर्ष यता उनको धेरै समय आविस्कार केन्द्रमै बित्छ |