सुनको मूल्य स्थिर

काठमाडौँ- आज सुनको मूल्य स्थिर कायम भएको नेपाल सुनचाँदी व्यवसायी महासंघले जानकारी दिएको छ । महासंघका अनुसार आजको कारोबार मूल्य तोक्दै हिजो मंगलबारकै मूल्यमा सुन कारोबार भइरहेको हो ।

आज छापावाल सुनको मूल्य प्रतितोला ९७ हजार ५०० रुपैयाँ रहेको महासंघले जनाएको छ । यस्तै, आज तेजाबी सुनको मूल्य ९७ हजार रुपैयाँ छ । महासंघले हिजो मंगलबार पनि यही मूल्यमा सुन कारोबार भएको जनाएको छ ।

हिजो मंगलबार भने सुनको मूल्य प्रतितोला ६०० रुपैयाँले घटेको थियो । सोमबार प्रतितोला ९८ हजार १०० रुपैयाँमा कारोबार भएको सुनको मूल्य हिजो घटेर कारोबारमा आएको थियो । आज सुनको मूल्य स्थिर रहेपनि चाँदीको मूल्य भने बढेको छ ।

आज प्रतितोला ५ रुपैयाँले चाँदीको मूल्य बढेर १२ सय ८० रुपैयाँ पुगेको छ । हिजो मंगलबार चाँदीको मूल्य तोलामा १२ सय ७५ रुपैयाँ थियो ।