रेलमार्ग निर्माणका लागि ६ अर्ब ५३ करोड बजेट

काठमाडौँ- अर्थमन्त्री जनार्दन शर्माका अनुसार पूर्वपश्चिम रेलमार्ग बर्दिबास-निजगढ खण्डको निर्माण गर्न तीव्रता दिइने छ ।

अर्थमन्त्री जनार्दन शर्माले बजेट भाषणमार्फत वीरगन्ज काठमाडौं रेलमार्ग र काठमाडौं मेट्रोरेलको विस्तृत अध्ययन प्रतिवेदन तयार गरिने बताएका छन् । रेलमार्गका लागि ६ अर्ब ५३ करोड बजेट विनियोजन गरिएको छ ।

वीरगन्ज, भैरहवा, पोखरालगायतका सहरमा ट्राम यातायात सञ्चालनमा गर्न पनि सम्भाव्यता अध्ययन गरिने पनि अर्थमन्त्रीले बताएका छन् ।
यस्तै, बिर्तामोड–जलेश्वर रेल यातायातको सम्भाव्यता अध्ययन गर्न पनि बजेट बिनियोजन गरिने उनले बताएका छन् ।