ग्लोबल आइएमई बैंकको साधारणसभा मंसिर २७ गते

काठमाडौँ – १५ औं वार्षिक साधारण सभा ग्लोबल आइएमई बैंकले मंसिर २७ गते बोलाएको छ। बैंकको साधारण सभा नेपाल प्रज्ञा प्रतिष्ठान कमलादीमा बिहान १० बजेबाट सुरु हुने छ ।

सभामा बैंकले असोज २५ गते, सोमबार बसेको सञ्चालक समितिको बैठकले गरेको निर्णय अनुसार गत आर्थिक वर्ष २०७७ र ७८ को मुनाफाबाट बैंकका सेयरधनीहरूलाई चुक्ता पूँजीको १० प्रतिशत बोनस सेयर र कर प्रयोजनका लागि ३.५ प्रतिशत नगद गरी कुल १३.५ प्रतिशत लाभांश वितरण गर्ने प्रस्ताव पारित गर्नेछ ।

मंसिर १३ गते एक दिन बैंकले साधारण सभा तथा लाभांश वितरण प्रयोजनको लागि बुक क्लोज गर्ने निर्णय गरेको छ । मंसिर १२ गतेसम्म नेपाल स्टक एक्सचेन्जमा कारोबार भई कायम भएका सेयरधनीले मात्र सभामा भाग लिन र लाभांश प्राप्त गर्न सक्नेछन् ।