सुनको मूल्य घट्यो

काठमाडौँ- नेपाली बजारमा आज बुधबार सुनको मूल्य प्रतितोला १०० रुपैयाँले घटेको छ । आज १०० रुपैयाँले घटेर कारोबार सुरु भएको नेपाल सुनचाँदी व्यवसायी महासंघले जानकारी दिएको हो ।

सुनको मूल्य हिजो मंगलबार तोलामा ३०० ले घटेको थियो । जसअनुसार, आज स्थानीय बजारमा छापावाल सुनको मूल्य प्रतितोला ८८ हजार ९०० रुपैयाँ कायम छ । यस्तै, तेजाबी सुनको मूल्य प्रतितोला ८८ हजार ४५० रुपैयाँ कायम छ ।

हिजो मंगलबार छापावाल सुनको मूल्य प्रतितोला ८९ हजार रुपैयाँ र तेजाबी सुनको मूल्य प्रतितोला ८८ हजार ५५० रुपैयाँ कायम थियो । यससँगै, महासंघले आज चाँदीको मूल्य भने स्थिर रहेको बताएको छ । आज चाँदी प्रतितोला १ हजार १५५ रुपैयाँमा कारोबार भइरहेको छ ।