काठमाडौं महानगरका पसल विहान १० बजेसम्म खुल्ने

काठमाडौं – लकडाउनको अवधीमा बजारलाई सहज बनाउन काठमाण्डौ महानगरपालिकाले बिहान १० बजेसम्म किनमेल गर्ने व्यवस्था मिलाउने भएको छ । स्थानीय प्रहरीसँग समन्वय गरेर विहान १० बजेसम्म किनमेलको व्यवस्था मिलाउन लागिएको महानगरपालिकाले जनाएको छ ।

काठमाण्डौ महानगरपालिकाका प्रमुख बिद्यासुन्दर शाक्यको अध्यक्षतामा बसेको बैठकमा लकडाउनको अवधिमा आपूर्ति व्यवस्थालाई एकरुपता कायम गर्दै आर्थिक गतिविधिलाई समेत थप चलायमान बनाउनु पर्ने सुझाव पनि वडाध्यक्षहरुले दिएका थिए ।

वडाध्यक्षहरुलाई सामाजिक दूरी कायम गर्दै बजारलाई सहज बनाउन स्थानीय प्रहरीसँग समन्वय किनमेलको व्यवस्था मिलाउन महानगरपालिकाका प्रमुख शाक्यले आग्रह गरेका छन् ।