राष्ट्रबैकको नयाँ गर्भनर नियुक्त गरिने : अर्थ मन्त्री खतिवडा

काठमाण्डौ-अर्थ मन्त्री एंव सञ्चार तथा सूचना प्रविधि मन्त्री डाक्टर युवराज खतिवडाले विकास खर्च गएको बर्षको तुलनामा कम नभएको दाबी गरेका छन।

मन्त्रीपरिषद निर्णय सार्वजनिक गर्न भएको पत्रकार सम्मेलनमा मन्त्री खतिवडाले समग्र देशको एकिकृत वित्तिय विवरणले विकास खर्च राम्रो भएको देखाएको दाबी गरेका हुन्। निर्माण व्यवसायी, ठेक्का पट्टा सम्बन्धी विवाद लगायतका कारण आर्थिक बर्षको सुरुवाती दिनमा विकास खर्च हुन नसकेपनि पछिल्लो अवस्था सन्तोषजन रहेको खतिवडाले बताए।

पुर्व संञ्चारमन्त्री गोकुल बाँस्कोटाको रु ७० करोड कमिसन सम्बन्धी अडियो प्रकरण छानविनका विषयमा उहाँले सरकार र सम्बन्धीत निकायले अध्ययन गरिरहकाले उनीहरुबाट आउने नतिजा पर्खन आग्रह गरेका छन्। ठूला भ्रष्टाचार अभावजन्य भ्रष्टाचार नभएको भन्दै उहाँले कर्मचारीको तलब बढाएर साना साना भ्रष्टाचार घटाए पनि त्यसले समग्र मनोवृति परिर्वतन नगर्ने स्पष्ट पारे।

पुस्तक विक्रिमा लगाएको करका विषयमा खतिवडाले राष्ट्रिय उद्योग र सेवा उद्योगलाई संरक्षण दिन सरकारले कर लगाएको बताए। त्यस्तै खतिवडाले चैत ५ गतेभन्दा अगाडि नै राष्ट्रबैकको नयाँ गर्भनर नियुक्त गरिने बताए।