निलम्बनमा परेका डेपुटी गभर्नर श्रेष्ठसँग लिखित स्पष्टीकरण मागियाे

काठमाडौं – सरकारले निलम्बनमा परेका डेपुटी गभर्नर शिवराज श्रेष्ठलाई लिखित स्पष्टीकरण सोधेको छ ।मन्त्रीपरिषद्को बैठकले श्रेष्ठलाई लिखित स्पष्टिकरण सोध्ने निर्णय अनुसार अर्थमन्त्रालयले श्रेष्ठलाई स्पष्टिकरण सोध्ने पत्र काटेको हो ।

सरकारले डेपुटी गभर्नर श्रेष्ठलाई हटाउनको लागि निर्णय गरे अनुसार राष्ट्र बैंकले छानबिन समिति गठन गरेको थियो । राष्ट्र बैंकका संचालक श्रीराम पौडेलको संयोजकत्वमा गठन भएको छानबिन समितिले सरकारले लगाएको आरोपको विषयमा श्रेष्ठलाई दोषी ठहर गर्दै सम्पत्ति शुद्धिकरण निवारण गर्न सहयोग गरेको विषयमा थप अनुसन्धान गर्न सुझाव दिएको थियो ।
राष्ट्र बैंक ऐन अनुसार डेपुटी गभर्नर श्रेष्ठलाई हटाउनको लागि छानबिन समिति गठन गर्नुपर्छ । छानबिन समिति गठन हुनासाथ डेपुटी गभर्नर पदबाट श्रेष्ठ स्वत निलम्बनमा पर्छन् । छानबिन समितिले अध्ययन गरेपछि सरकारले श्रेष्ठलाई लिखित स्पष्टिकरण सोधेको छ ।

त्यसमा चित्त नबुझेपछि हटाउन सक्ने व्यवस्था छ ।