१०० सेयर राइडर पठाओकाे कारबाहीमा परे

काठमाडौं -पठाओका सेयर राइडरले उपभोक्ताले गरेको बुकिङ क्यान्सिल गरे कारबाही गरिने भएको छ ।

पठाओमा बुकिङ गर्ने तर राइडरले कमिसनको लोभमा बुकिङ क्यालन्सिल गरेर सेवा दिँदै आएको उजुरी बढेपछि पठाओले छड्के जाँच गरेको थियो ।पठाओका नेपाल प्रमुख असिममान सिंह  बस्न्यातले अघिल्लो सोमबार मात्रै १०० जनालाई कारबाही गरिएको बताए ।

‘उजुरी बढेपछि हामीले एकदिन छड्के जाँच गर्यौ, जसमा १०० भन्दा बढी राइडरलाई सोही दिन नै कारबाही पनि गर्यौ’ बस्न्यातले भने ।बस्न्यातले कहिले राइडरले त कहिले उपभोक्ताबाटै बुकिङ क्यान्सिल गरेको पाइयो । यसले हामीलाई उपभोक्ता कहाँ पुगेको छ ? भन्ने ट्रयाकिङ गर्न सकेनौं साथै कुनै दुर्घटना भयो वा केही भइहाल्यो भने पनि हामीसँग जानकारी नहुने भयो ।

त्यसैले पठाओबाट सेवा अवधिमा बुकिङ क्यान्सिल नगर्न अनुरोध समेत गरे ।‘उपभोक्ता त जोखिममा छन् नै साथै राज्यलाई बुझाउनुपर्ने राजस्व समेत गुम्ने भएकाले यो ठीक छैन,’ उनले भने, ‘बुकिङ क्यान्सिल गर्नेलाई १३ प्रतिशत भ्याट जोडेर जरिवाना गराइरहेका छौं ।’