वर्षाका कारण अधिकांश विमानस्थल बन्द

काठमाडौं- बुधबार बिहानैदेखिको भारी वर्षाका कारण देशभर अधिकांश विमानस्थलमा हवाई सेवा बन्द गरिएको छ।

त्रिभुवन अन्तर्राष्ट्रिय विमानस्थलका अनुसार देशका विभिन्न विमानस्थलहरु वर्षाका कारण बन्द गरिएको हो।

वर्षाका कारण चन्द्रगढी, विराटनगर, जनकपुर, सिमरा, लुक्ला, भरतपुर र पोखरालगायतका विमानस्थल बन्द गरिएको छ।

भैरहवा, नेपालगञ्ज र धनगढी विमानस्थल मात्रै संचालनमा रहेको त्रिभुवन विमानस्थलका प्रवक्ता प्रताव तिवारीले बताए। देशभर ३० वटा विमानस्थल संचालनमा रहेका छन।

वर्षामा भिजिबिलिटी कम तथा धावनमार्गमा पानी जमेपछि पूर्वनिर्धारित सबै उडान रद्द गरिएको छ।

*फाइल तस्बिर