हत्या गरी फालिएको अवस्थामा युवकको शव भेटियो

रौतहट : रौतहटमा धारिलो हतियार प्रयोग गरी एक युवकको हत्या भएको छ । स्थानीयले उनको शव आइतबार बिहान देखेपछि प्रहरीलाई खबर गरेका थिए । जिल्लाको गरुडा नपा ८ स्थित जिगडियाटोलका १७ वर्षीय निरन्जन राम चमारको हत्या भएको स्थानीयले बताएका छन् ।

प्रहरी बिहानै घटनास्थल पुगेर अनुसन्धान गरिरहेको छ । तालिम प्राप्त कुकुर ल्याएर समेत अनुसन्धान गरिने प्रहरीले भनाइ छ। शव धानखेत नजिकै रहेको पानी जमेको जलकुम्भि झारमा फेला परेको प्रहरीले जनाएको छ। ती युवकको गाउँदेखि करीब तीनसय मिटर टाढा शव भेटिएको इलाका प्रहरी कार्यालय गरुडाका डीएसपी ज्ञानकुमार महत्तोले जानकारी दिए।