१६ बर्षिय जापानी किशोरले आफ्नै बाबुको हत्या गरेपछि

टोकियो-जापानको योकोहामा शहरमा आफ्नै ४७ बर्षिय बाबुको हत्या आरोपमा पक्राउ परेका १६ बर्षिय किशोरलाई स्थानीय अदालतले तीन महिना मनोचिकित्सककहाँ राख्न आदेश दिएको छ ।

ती अभियुक्त किशोर मानसिक रुपमा नै अपराधि हुन् या हैनन् भन्ने यकिन गर्न मनो चिकित्सककहाँ पठाउन भनेको प्रहरीले बताएको छ ।

कागानावा क्षेत्र स्थित एक अपार्टमेन्टमा आफ्नै बाबुलाई पटक पटक तरकारी तथा फलफूल काट्ने चक्कु टाउकोमा अन्धधुन्द प्रहार गरि हत्या गरेको अभियोगमा पक्राउ गरेको प्रहरीले जनाएको छ ।

हत्या पश्चात उनले बाबुको शरीर बाथटवमा राखेको प्रहरीले जनाएको छ । हत्या भएको थाहा पाउने वित्तिकै उनका दिदिबहिनी प्रहरी कहाँ पुगेका थिए ।

बाबु छोरा मात्र बस्दै आएको उक्त अपार्टमेन्टमा बाबुको हत्या पश्चात छोरालाई त्यहीँबाट पक्राउ गरेको प्रहरीले बताएको छ । प्रहरी सँगको प्रारम्भिक बयानका क्रममा उनले बाबुले पहिलाबाट नै आफूलाई गाली गलौज गर्ने गरेको बताएका छन् ।

प्रहरीका अनुसार ति हत्या अभियुक्त किशोर सेप्टेम्बर महिनासम्म विभिन्न अनुसन्धानकै क्रममा रहने समेत बताएको छ ।