२६ लाख ठगी कसुरमा ४ जना पक्राउ

बिरगन्ज-स्रोत नखुलेको रु २६ लाख ७१ हजार रुपैयाँसहित पर्साको विरगन्ज महानगरपालिका १६ का ४ जना व्यक्ति पक्राउ परेका छन्।

स्रोत नखुलेको रु १९ लाख ७१ हजार रुपैयाँ सहित पर्साको विरगन्ज महानगरपालिका १६ का कुमार शाह र जयलाल महत्तो पक्राउ परेका हुन। शाह रु ९ लाख ७१ हजार रुपैयाँ र महत्तो रु १० लाख रुपैयाँसहित पक्राउ परेका जिल्ला प्रहरी कार्यलय पर्साले जनाएको छ। उनीहरुलाई अवैध वित्तिय कारोबार (हुण्डी) शिर्षकमा मुद्दा दर्ता गरी कारबाही प्रक्रिया अघि बढाईएको छ। यस्तै स्रोत नखुलेको रु ७ लाख रुपैयाँ सहित विजय कुमार ठाकुर र राजु कुमार कलवार पनि पक्राउ परेका छन् । उनीहरुलाई पनि हुण्डी कारोबार शिर्षकमा कारबाहीका लागि सिफारिस गरिएको छ।

यसैबीच, हिरासतमा रहेका व्यक्तिलाई थुनामुक्त गरिदिन्छु भनी ४० हजार रुपैयाँ ठगी गर्ने पर्साको विरगन्ज महानगरपालिका २ छप्कैयाका महम्मद सम्साद अलि पक्राउ परेका छन्। विरगन्ज महानगरपालिका-१६ का सदाम हुसेनलाई थुनामुक्त गरिदिने भनेर उनका बुबासँग ४० हजार रुपैयाँ लिएको खुल्न आएको जिल्ला प्रहरी कार्यलय पर्साले जनाएको छ।