आफ्नै बाबुको हत्या गर्ने जापानी युवती पक्राउ

टोकियो- जापानको राजधानी टोकियोबाट प्रहरीले आफ्नै बाबुको हत्या आरोपमा एक २१ बर्षिया युवतीलाई पक्राउ गरेको छ ।

कुरुमी कामाटा नाम गरेकी उनलाई अन्दाजी ५१ बर्षीय आफ्ना बुबालाई सितागयास्थित अपार्टमेन्टमा बेलुकी अन्दाजी ५:३० मा हत्या गरेको अभियोगमा प्रहरीले पक्राउ गरेको हो ।

हत्या पश्चात ‘मैले कसैको हत्या गरेकी छु’ भन्दै गल्लीमा कुदेको देखेपछि स्थानीयले प्रहरीलाई खबर गरेका थिए । घटनाको करिव १५ मिनेट पश्चात उनलाई आफ्नो अपार्टमेन्टबाट करिव १ किलोमिटर परबाट प्रहरीले पक्राउ गरेको हो ।

उक्त घटनामा छाति र ढाडमा चोट लागि गम्भिर घाइते भएका उनका बुबालाई प्रहरीले उपचारार्थ अस्पताल लगेको थियो तर अस्पताल पुर्याए लगत्तै उनको मृत्यु भएको थियो ।

प्रहरी समक्ष कुरुमीले आफु शारिरिक तथा मानसिक रुपमा बाबुबाट निरन्तर पीडित भएकाले उक्त कदम उठाउन बाध्य भएको प्रारम्भिक बयान दिएकि छन् ।

प्रहरीले पनि गत महिना उनी आफ्ना बाबुको सोहि बयानसँग मिल्ने समस्या लिएर प्रहरी सँग आएकि थिईन् ।थप अनुसन्धानका लागि उनलाई प्रहरीले हिरासतमा लिएको जनाएको छ ।