जापानमा मस्त निन्द्राकी युवतीलाई बलात्कार गर्न खोजेपछि

टोकियो- टोकियोको एक अपार्टमेन्टमा बलात्कारको अनौठो घटना घटेको छ |

अर्काको अपार्टमेन्टमा छिरेर निदाइरहेकी करिव २०/२१ बर्षाीया एक युवतीलाई जवरजस्ति बलात्कार गर्न खोज्ने एक ३९ बर्षीय जापानी नागरिकलाई प्रहरीले पक्राउ गरेको छ ।

फुजि टिभि श्रोत उदृढ गर्दै स्थानीय समाचार संस्थाले जनाए अनुसार ती पुरुष सोमबार बिहान युवती भएको कोठामा छिरेका थिए ।

ती पुरुषले मस्त सुतिरहेकी युवतीलाई सर्वाङ्ग बनाएर बलात्कार गर्ने प्रयास गर्दा मात्र महिलाले थाहा पाएकि थिइन् । महिलाले प्रतिकार गरेर ११० मा फोन गरेपछि प्रहरीले अभियुक्तलाई पक्राउ गरेको थियो ।

अम्यु कितामोतो नाम गरेका ति अभियुक्त प्रहरी पुग्दासम्म सोही स्थानमा थिए । महिलाले ती पुरुषलाई आफुले नचिनेको बताएकि छन् भने पुरुषले भने आफु रक्सी खाएर मातेको तथा आफु सोहि स्थानमा पार्ट टाईम जागिरे रहेको बताएका छन् ।

प्रहरीले हाल अभियुक्तलाई हिरासतमा राखेर अनुसन्धान गरिरहेको छ ।