रोजगारीमा पठाइदिन्छु भन्दै ८ लाख ठगी गर्ने पक्राउ

भक्तपुर-सोलुखुम्बुका एक व्यक्तिलाई ठगी गरेको आरोपमा भक्तपुरमा पक्राउ गरिएको छ।

वैदेशिक रोजगारीमा पठाइदिन्छु भन्दै ठगी गरेको आरोपमा थुलुङदूधकोशी गाउँपालिका-२ काँगेल गैरीका ४० वर्षीय बालकृष्ण कार्कीलाई पक्राउ गरिएको महानगरीय परिसर भक्तपुरका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिएका छन्। उनले कतार, माल्दिभ्सलगायतका देशमा पठाइदिन्छु भनी प्रलोभनमा पारेर रु ८ लाख लिएको जानकारी दिएका छन्।

पैसा लिएर फरार भएका उनलाई पीडितको जाहेरीकोे आधारमा पक्राउ गरिएको र थप कारवाहीका लागि महानगरीय प्रहरी परिसर काठमाडौँ पठाइएको प्रहरी वरिष्ठ उपरीक्षक थापाले बताएका छन्।