जापानी बालकले लामो समय भिडियो गेम खेल्न पाउनुपर्ने माग राख्दै मुद्दा

टोकियो- स्थानीय सरकारले त्यहाँका किशोर किशोरीहरुका लागि भिडियो गेम तथा स्मार्ट फोनको प्रयोग सम्बन्धी नयाँ नियम लागु गरेपछि स्थानीय एक वालकले सरकार विरुद्ध मुद्दा दर्ता गराएका छन् ।

१७ बर्षिय ती बालकले लामो समयसम्म खेल्न पाउनु पर्ने र त्यो आफ्नो व्यक्तिगत अधिकार भएको भन्दै मुद्दा दर्ता गराएका हुन् ।

जापानको कागावा प्रान्त सरकारले वालवालिकाहरुको खेल्न पाउने अधिकार माथि प्राहार गरेको बताउदै एक कानुन व्यवसायी तथा आफ्नी आमाको सहयोगमा मुद्दा दर्ता गराएका हुन् ।

कागावा सरकारले किशोर किशोरी तथा विद्यालय उमेर समुहका सम्पुर्ण बालबालिकाहरुलाई लक्षित गर्दै मोवाइल तथा भिडियो गेम प्रयोगमा कडाई गर्न थालेको छ ।

सरकारले विद्यालय समयमा दैनिक अधिकतम १ घण्टा तथा विदाका दिनहरुमा अधिकतम डेढ घण्टा मात्र भिडियो गेम खेल्न भनेको छ ।

सरकारले १२ देखि १५ बर्ष उमेर समुहका वालवालिकाहरुलाई बेलुका अधिकतम ९ बजे सम्म तथा १५ देखि १८ बर्ष सम्मका किशोर किशोरीहरुका लागि अधिकतम १० बजेसम्म मात्र स्मार्ट फोनको प्रयोग गर्न दिने भनेको छ ।

सरकारले जारि गरेका माथि उल्लेखित निर्देशिका अनिवार्य नरहेको तथा भिडियो गेम तथा स्मार्ट फोनको प्रयोगको नियमन परिवारबाट नै गरिनु पर्ने पनि सरकारले भनेको छ ।

वातारु नाम गरेका ति वालकले खेल मैदानमा आफूहरुलाई प्रवेश नै नदिने, खेल्नै नदिने अनि सरकारले पनि आफ्नो खेल्न पाउने अधिकारमा अंकुश लगाएको बताउदै उनले आफूले सरकारको सो कदम सच्याउन दवाव दिएको बताएका छन् ।

उनले आफू सहित ६०० जना अन्य साथिहरुको हस्ताक्षर समेत संकलन गरेका कारण यो लडाइमा आफू एक्लो नभएको प्रतिकृया समेत दिएका छन् ।