छोरीको वेवास्ता गर्ने जापानी महिलालाई १० बर्ष जेल

टोकियो- जापानको मियागी प्रान्त स्थित सेन्डेयी जिल्ला अदालतले एक २६ बर्षीया महिलालाई उनकी छोरीको हत्या आरोपमा १० बर्ष जेल सजाय सुनाएको छ ।

समाचारमा जनाइए अनुसार ती महिलाको लापरवाहीका कारण बालीकाको ज्यान गएको ठहर गर्दै अदालतसे सो फैसला गरेको हो ।

अदालतका एक अधिकारी रिया छुचियाका अनुसार ती महिलाले आफ्नी २ बर्षीया छोरीलाई गत वर्ष जुज २१ तारिख पछि ९ दिन सम्म निरन्तर एक्लै घरमा छाडेकी थिइन् ।

सो विचको समयमा उनी आफ्ना पुरुष साथिको घरमा बस्न गएकि थिइन् । सोही महिनाको २७ देखि ३० तारिखको विचमा ति वालीकाको निधन भएको प्रहरीले जनाएको छ ।

प्रहरीका अनुसार वारमा काम गर्ने ति महिला बच्चा जन्मे लगत्तै बच्चासँग बस्न चाहादिन थिन् । तर पनि घरमा आमा छोरी मात्र रहेका थिए ।

बच्चाको मृत्यु पश्चात उनी आफैले प्रहरीलाई ११९ मा फोन गरेर घटना बारे सूचना दिएकि थिइन् । प्रहरीले स्थानीयसँग पनि घटना बारे जानकारी लिएको थियो । स्थानिय, प्रतिवादी तथा घटनास्थलवाट प्राप्त सबुतहरुको आधारमा अदालतले उक्त फैसला लिएको अदालत श्रोतले बताएको छ ।