आजदेखि कालीमाटी तरकारी बजार बन्द

काठमाडौँ- आज बुधबारदेखि मुलुककै सबैभन्दा ठूलाे कालीमाटी फलफूल तथा तरकारी बजार बन्द भएको छ। जिल्ला प्रशासन कार्यालय काठमाडौंको निर्णयअनुसार बजार बन्द गरिएकाे कालीमाटी तरकारी बजार समितिका कार्यकारी निर्देशक विनोदकुमार भट्टराईले बताएका छन् । कालीमाटी तरकारी बजार, बुधबारदेखि थोक बजारमा हुने खुद्रा कारोबार र बिहीबारदेखि खुद्रा बजार बन्दको निर्णय भएको हो ।

अब थोक बजारमा प्याकेजिङ मात्र गरेर तरकारीको बिक्री वितरण गरिनेछ । जसमा एकवटा थोक पसलमा अधिकतम दुईजना बसी सामाजिक दूरी कायम गर्दै नेपाल सरकारले तोकेको स्वास्थ्य सुरक्षाको मापदण्डको पालना गरी पसल सञ्चालन गर्न निर्देशन दिएको छ ।

समितिले बजार परिसरभित्र मोटरसाइकल, साइकल तथा ठेला प्रवेशमा पूर्ण रुपमा बन्देज लगाएकाे छ। काेराेना भाइरस संक्रमण नियन्त्रणका लागि १६ वैशाखबाट काठमाडाैं उपत्यकामा जारी निषेधाज्ञा थप १५ दिन लम्ब्याइएकाे छ।