मेलम्चीको पाइप सफा गर्दागर्दै दाजुभाइको मृत्यु

काठमाडौं- मेलम्ची खानेपानी आयोजनाका दुई मजदुरको बालाजुमा मृत्यु भएको छ ।

बालाजुस्थित खानेपानीको ठूलो पाइप सफा गर्ने क्रममा दुई जना मजदुरको मृत्यु भएको हो ।

मृत्यु हुनेमा सप्तरीका २५ वर्षीय सरेश साह र २० वर्षीय शिवराम साह रहेकाे महानगरीय प्रहरी कार्यालय रानीपाेखरीका प्रवक्ता एसएसपी श्याम ज्ञवालीले जानकारी दिए ।

उनीहरू दुबै जना सहोदर दाजुभाइ रहेको बताइएको छ।