तोलामा २ सय बढ्यो सुनको मूल्य, चाँदीको कति?

काठमाडौँ- बुधवार सुनको मूल्य प्रतितोला दुई सय रुपैयाँ बढेर ६५ हजार चार सय रुपैयाँ पुगेको छ। अघिल्लो दिन मंगलबार सूनको मूल्य ६५ हजार दुई सय रुपैयाँ कायम भएको थियो।

यस अघि पनि नेपाली बजारमा १२ दिनसम्म एउटै मूल्यमा सुन किनबेच भएको थियो। गत असार तीन गते ६५ हजार पाँच सय रुपैयाँ कायम रहेको सुनको मूल्य असार १२ मा आएर परिवर्तन भएको थियो। १२ दिन पछि सुनको मूल्य प्रति तोला दुई सय रुपैयाँ घटेर ६५ हजार दुई सय रुपैयाँमा झरेको थियो। बुधवार फेरि सुनको मूल्यमा दुईसय बढेको हो।

बुधबार चाँदीको मूल्य पाँच रुपैयाँ बढेको छ। एक सातापछि चाँदीको मूल्य प्रतितोला पाँच रुपैयाँ बढेको हो। प्रतितोला पाँच रुपैयाँ बढेको चाँदीको मूल्य बुधवार ७८० रुपैयाँ कायम भएको छ।

गत असार ८ गते चाँदीको मूल्य प्रतितोला सात सय ७५ रुपैयाँ कायम भएको थियो। एक सातादेखि नेपाली बजारमा सोही मूल्यमा चाँदीको किनबेच हुँदै आएको थियो ।