विमानस्थलबाटै किन पक्राउ परे क्लब डेजाभु सञ्चालक श्रेष्ठ?

काठमाडौं- क्लब डेजाभु दरबारमार्गका सञ्चालक मनोज श्रेष्ठ पक्राउ परेका छन्। दुई करोड रुपैयाँको चेक बाउन्स गरेको आरोपमा श्रेष्ठ पक्राउ परेका हुन्?

हङकङबाट काठमाडौं आएका श्रेष्ठलाई त्रिभुवन अन्तर्राष्ट्रिय विमानस्थलमा रहेको इन्टरपोलको माइन्ड उपकरणको सहयोगमा पक्राउ गरिएको हो ।

श्रेष्ठविरुद्ध काठमाडौं प्रहरी परिसर, टेकुको अनुरोधमा १५ माघ २०७५ मा अन्तर्राष्ट्रिय अपराध प्रहरी सङ्गठन (इन्टरपोल)ले डिफ्युजन नोटिस जारी गरेको थियो।

श्रेष्ठले डेजाभूको अध्यक्ष पदमा रहँदा कम्पनीमा लगानी गर्न विश्वराम श्रेष्ठबाट २ करोड रुपैयाँ लिएका थिए । त्यसबापत उनले सेयर दिने बताएका थिए।

श्रेष्ठले २ करोड बराबरको चेक दिए पनि बाउन्स भएपछि काठमाडौं प्रहरीमा बैङ्किङ कसुरको उजुरी दर्ता भएको थियो।

तर उनी सम्पर्कमा थिएनन् ।