एक बर्षमा १२ हजार मोटरसाइकल कारबाहीमा

काठमाडौं-महागनरपालिका क्षेत्रभित्र अनधिकृत रूपमा पार्किङ गरिएका १२ हजार चार सय ९४ मोटरसाइकल कारबाहीमा परेका छन् । यो समाचार आजको नयाँ पत्रिकाले छापेको छ |

आर्थिक वर्ष ०७५/७६ मा नगर प्रहरी र ट्राफिक प्रहरीले कारबाही गरेका हुन् । पैदल यात्रुलाई हिँड्न गाह्रो हुने गरी र जाम हुने गरी पार्किङ गरिएका मोटरसाइकललाई उठाएर बग्गीखाना लाने गरिएको छ ।

‘पार्किङ गर्न नमिल्ने ठाउँमा पार्किङ गरिएका मोटरसाइकललाई कारबाही गर्ने गरेका छौँ,’ नगर प्रहरी नायब निरीक्षक श्यामप्रसाद तिमल्सिनाले भने, ‘फुटपाथ र सडक नै ढाकेर पार्किङ गर्नेलाई कारबाहीको दायरामा ल्याएका हौँ ।’