दक्षिण कोरियाले सीमा नाघेका ३ डुंगा चालकलाई स्वदेश फर्कायो

सोल-दक्षिण कोरिया सरकारले झुक्किएर सामुन्द्रिक सिमाना पार गरेका तीन जना उत्तर कोरियाली डुंगा चालकलाई स्वदेश फर्काएको छ |

शनिबार राती पूर्वी समुद्रको नर्थ लिमिट लाइन (एनएलएल ) पार गरेका ती डुंगा चालकलाई मानवीयताको आधारमा स्वदेश फ़र्काइएको यन्ह्यप न्यूज एजेन्सीले जनाएको छ |

ती डुंगा चालक शनिबार राती १०: १५ बजे एनएलएल नजिकै देखा परेका थिए | त्यसको २४ मिनेट पछि बिस्तारै एनएलएल आए र राती ११ :२० मा सीमा नाघेका थिए |

सिमा नाघेका ती उत्तर कोरियालीलाई पक्राउ गरेर दक्षिणको तटमा ल्याइएको थियो | अनुसन्धानका क्रममा ती डुंगा चालकले नेभिगेसन त्रुटिका कारण सिमा नाघेको बताए |

पक्राउ परेका उनीहरुले अनुसन्धानका क्रममा घर फर्कन चाहेको बताए पछि उनीहरुको मानवाधिकार र स्वतन्त्रतालाई मध्यनजर गरेर दक्षिण कोरिया सरकारले स्वदेश फर्काएको हो |

डुंगा चालकलाई फर्काउने बिषयमा उत्तर कोरिया सरकारलाई सोमबार बिहान जानकारी गराइएको थियो |

अनुसन्धानकर्ताहरुले १० मिटर लामो काठको डुंगा उत्तर कोरियाली सैनिकहरुले माछा मार्न प्रयोग गर्ने गरेको खुलासा गरे |