संसद बैठक १ बजे बस्दै

काठमाडौँ-संसद बैठक सोमबार दिउँसो १ बजेका बस्ने तयारी छ । तर नेपाली कांग्रेससहितका विपक्षी दलले कुमार पौडेल हत्याको विषयलाई लिएर बैठक अवरुद्ध गर्ने तयारी गरेका छन् ।

भिडन्तमा मारिएको भनिएका नेत्रविक्रम चन्द विप्लव नेतृत्वको नेपाल कम्युनिष्ट पार्टीका पौडेलको हत्याका बारेमा छानबिन गर्न संसदीय समिति बनाउनु पर्ने कांग्रेससहितका विपक्षी दलको माग छ ।

उनीहरुले यहि माग गर्दै संसद बैठक अवरुद्ध गर्दै आएका छन्, तर सरकार यसमा सहमत भएको छैन । गएको बुधबार बाढी तथा पहिरोका कारण देशभर भएको क्षतिबारे जरुसी सार्वजनिक महत्वको प्रस्तावमा छलफल गर्न संसद बैठक सुचारु भएको थियो ।

तर सोमबारको बैठकमा भने कुमार पौडेल हत्याका सम्बन्धमा छानबिन गर्न संसदीय समितिको माग यथावत रहेकाले अवरोध गर्ने तयारी भएको कांग्रेसका नेताले बताएका छन् ।