भारतमा बाढीमा फसेका १ हजार ५० जनाको उद्धार

काठमाडौं-भारतीय अधिकारीहरूले मुम्बईनजिकै बाढीमा फसेको एक रेलबाट एक हजार ५० जनाको सकुशल उद्धार गरेका छन्।

बीबीसीले जनाए अनुसार शुक्रवार राती भान्गानीमा जलमग्न लिकमा अड्केको महालक्ष्मी एक्सप्रेस रेलबाट यात्रुहरूलाई निकाल्न हेलिकप्टर, डुङ्गा र गोताखोरहरू परिचालन गरिएको थियो।

यात्रुहरूले आफूहरूलाई रेलमै रहन भनिए पनि १५ घण्टा खाना वा पानी नपाएको आईएएनएस समाचार संस्थालाई बताएका छन्।

दक्षिण एशियामा मनसुनका कारण आएको बाढीले छ सयभन्दा धेरैको मृत्यु भइसकेको छ।