अब पाइपलाइनबाटै तेल

काठमाडौं-निर्धारित समयावधिभन्दा आठ महिना अघि नै पाइपलाइनबाट तेल आएको छ । यो समाचार आजको राजधानी दैनिकले छापेको छ |

समाचार अनुसार मोतीहारी अमलेखगन्ज पेट्रोलियम पाइपलाइनबाट निर्धारित समयावधिभन्दा आठ महिना अघि नै तेल आएको हो ।

धेरैजसो राष्ट्रिय गौरवका परियोजनाको ढिलासुस्ती भए पनि राष्ट्रिय गौरवको परियोजना मोतीहारी अमलेखगन्ज पेट्रोलियम पाइपलाइनका काम भने निर्धारित समयभन्दा आठ महिना सकिएको छ ।

नेपाल आयल निगमका कार्यकारी निर्देशक सुरेन्द्रकुमार पौडेलले पाइपलाइनबाट निर्धारित समयभन्दा अहिल नै तेल ल्याउन सफल परियोजनाका प्रमुख, इन्जिनियर प्रदीपकुमार यादवको ठूलो योगदान रहेको बताए । उनले भने, पाइपलाइनको काम सफलपूर्वक सकाउन इन्जिनियर यादवले रातदिन खटेर काम गरेको बताए ।

परियोजना निर्माणका लागि नेपाल र भारतबीच ७ भदौ २०७२ मा यस परियोजनाको निर्माण मन्त्रिस्तरीय सम्झौता भएको थियो । पाइपालाइन परियोजनाको शिलान्यास २४ चैत २०७४ मा नेपाल र भारतका प्रधानमन्त्री केपी शर्मा ओली र नरेन्द्र मोदीबाट संयुक्त रूपमा गरेको थियो ।