ज्यानमारा बन्दै नमुना सडक

चितवन -पूर्व–पश्चिम राजमार्गअन्तर्गत चितवन स्थित रत्ननगर नगरपालिकाको बजार क्षेत्रमा पर्ने सडकमा दैनिक दर्जन भन्दा बढी सबारी दुर्घटना हुदै आएको छ । एक बर्ष पहिले श्रेष्ठ कन्ट्रकसन प्रालिले निर्माण गरेको सडक पीच गरेको एक बर्षमै भत्किएपछि यतिबेला सडकमा ठुला ठुला खाडल परेका छन् ।

यसरि सडक बिग्रेको महिनौ भै सक्दा समेत सडक बिभाग तथा स्थानीय निकाय मौन रहेका छन् । सडक बिभागको मातहतमा पर्ने सडक रत्ननगर नगरपालिकाको मुख्य बजार क्षेत्रमा पर्ने भएपनि रत्ननगरले कुनै चासो देखाएको छैन । सडक बिभागले सडक मर्मत गर्नको लागि श्रेष्ठ कन्ट्रकसालाई पटक पटक आग्रह गरेको बताईए पनि लेनदेनको बिबादको काँरणले गर्दा यात्रुले अकालमा ज्यान गुमाउने स्थिती शिर्जना भएको छ ।

यता रत्ननगर नगरपालिकाका मेयर नारायण वनले भने स्थानीय निकायले यो सडक मर्मतमा केहि गर्न नसक्ने भन्दै उम्कने गरेका छन् । मेयर वनलाई सडक मर्मतको लागि पहल गर्न हामीले पटक पटक आग्रह गर्दा समेत वनले स्थानीय निकायले केहि गर्न नसक्ने भन्दै उम्कने गरेका छन । आँफ्नो मातहतमा नपर्ने भन्दै नगरपालिका सडक मर्मत गराउन तर्फ ध्यान नदिदा उत्त सडकमा ठुलै दुर्घटना हुने अबस्था देखिएको छ ।

सडकमा खालडा खुल्डी परेको महिनौ सम्म रमिते बनेको रत्ननगर बिभिन्न सञ्चार माध्यममा समाचार प्रसारण भएपछि बिहिबार सडक बिभागलााई तत्कालै सडक मर्मत गरिदिन आग्रह गर्दै पत्राचार गरेको नगरपालिकाले जनाएको छ ।

नगरपालिकाको गेटमै जोखिम

रत्ननगर नगरपालिकाको गेट नजिकै मात्रै दैनिक ६ देखि ८ वटा सामान्य किसिमका सबारी दुर्घटना हुने गरेका छन् । नगरपालिकाका मेयर उपमेयर तथा जन प्रनितिधिले सोबाटो दैनिक पटक पटक प्रयोग गर्ने गरेको भएपनि जनताको पीडा भने बुझन नसकेको स्थानीयको भनाई रहेको छ । स्थानीयका अनुसार नगरपालिका गेटकै आडमा पर्ने सडकमा दिनमा भन्दा पनि रातको समयमा अत्याधिक रुपमा बाईक पल्टने तथा ठुला सबारी साधनको पट्टा भाँचिने गरेका छन् ।

स्थानीयले महिनौ देखि कहियौ पटक सडकमा लडेका बाईकहरु उठाएर चालकको सामान्य उपचारको लागि अस्पताल पठाउने गरेको नगरपालिकाको गेटले देखे पनि जनप्रनिधिले नदेख्नु अचम्म भएको स्थानीयको भनाई छ ।

उत्त सडकमा दैनिक डिभाईडर प्रबेश गर्ने सबजी मण्डी अगाडी, टाँडी चोक, सौराहा चोक र रत्ननगर नगरपालिकाको गेट नजिकै बकुल्हर चोकमा बढीमात्रामा सडक दुर्घटना हुने गरेको छ । यता सडक मर्मतको बिषयमा निर्माण कम्पनिको लापरवाहीको काँरणले गर्दा यात्रहरुुले दुख पाएको बुझिन्छ । सडक बिभागले पटक पटक सडक मर्मत गर्न आग्रह गरेको भएपनि बिभागको आग्रहलाई निर्माण कम्पनिले अटेर गरेको सडक बिभाग चितवनका प्रमुख कृष्ण अधिकारीले जानकारी दिए ।