१६ किलो सुन ओढारमा, एक जना पक्राउ

गोरखा- गोरखाको उत्तरी क्षेत्र धार्चे गाउँपालिका–३ खोर्लाबेसी ओडारबाट अवैध रुपमा लुकाएर राखिएको १६ किलो सुन बरामद भएको छ ।

जिल्ला प्रहरी कार्यालय गोरखा अनुसार मनास्लु पदमार्ग अन्तर्गत खोर्लाबेसीस्थित ओडारमा लुकाएर राखिएको सुन बिहीबार बिहान बरामद भएको हो ।

ओडारमा बोरामा लुकाइराखेको अवस्थामा सुन बरामद गरिएको हो । सुनको यकिन परिणाम निर्धारण गरिएको नभए पनि १६ किलोको हाराहारीमा भएको हुन सक्ने प्रहरीको आँकलन छ। 

सुनसँगै २७ दिनदेखि बेपत्ता रहेका यारुबगरका व्यवसायी धनकमल गुरुङलाई समेत प्रहरीले पक्राउ गरेको छ ।