छिन्छ्नमा पनि जात्रा हाउसफुल

सोल – नेपालीहरुको बाक्लो कार्यस्थल रहेको छिन्छ्नमा पहिलो पटक प्रदशन गरिएको नेपाली चलचित्र जात्रा हाउसफुल भएको छ |

छिन्छ्नस्थित मेघाबक्स सिनेमा हलमा प्रदशन गरिएको जात्रा हेर्न नेपाली दर्शक उल्लेखीय उपस्थिति देखेर थप हौसला मिलेको अन्नपुर्ण दैनिका कोरिया संवाददाता लिलु डुम्रेले बताए |

जात्रा हेरी सके पछि स्याङ्गजाका गिरिराज थापा मगरले फिल्म राम्रो रहेको प्रतिक्रिया दिदै अहिले नेपाली फिल्मको स्तर धेरै माथि पुगेको जनाए | त्यसै गरि भोजपुरका मिलन राईले विदेशमा आएर नेपाली फिल्म हेर्न पाउदा गर्व लागेको बताउदै नेपाली फिल्म विदेशमा प्रदशन गर्दा नेपाली कला , सस्कृतिको संरक्षण र जगेर्ना हुने बताए |

फिल्ममा बिपिन कार्की ,रबिन्द्र सिंह बानिया , रबिन्द्र झा , वर्षा राउतको मुख्य भूमिका रहेको छ | फिल्म हेर्ने चाजो भने नेपाल पत्रकार महासंघ दक्षिण कोरियाले मिलाएको थियो |

फिल्म प्रदशनबाट उठेको मुनाफाले परोपकारी कोष स्थापना गरिने पनि आयोजकले जनाएको छ |