संसदीय समितिकाे बैठकमा नपुग्ने देउवा दाेश्राे पटक झुल्किए

काठमाडाैं-राजनीतिक दलका नेताका तस्बिरका बिषयमा कुरा गर्नु सामान्य मानिन्छ । दिनैपिछे कार्यक्रम, गोष्ठी, बैठक र आथित्यतामा व्यस्त नेता, त्यसमाथि पनि शीर्ष नेताका तस्बिर को बिषयमा कुरा गर्नु सामान्य मानिन्छ ।

तर आज भने नेपाली कांग्रेस सभापति तथा प्रमुख प्रतिपक्षी दलका नेता शेर बहादुर देउवाको तस्बिरको चर्चा गर्नुपर्ने अवस्था आएको छ ।

किनभने संबिधान जारी भएपछि बनेको संसदको बिकाश समितिमा देउवा अचानक पुगे ।

संसदको बिकाश समिति सदस्य देउवा यसअघि जम्मा एकपटक मात्र समिति बैठकमा पुगेका थिए । आज उनको यो दोस्रो उपस्थिति हो ।

कल्याणी खड्का सभापति रहेको सो समितिमा आज बिज्ञापन नियमन गर्न बनेको विधेयकमाथि छलफल चल्दैछ ।

सो छलफलमा भाग लिन समिति बैठक सिंहदरवार पुगेका देउवा जम्मा १० मिनेट बैठकमा बसेर बाहिरिएका छन् ।

देउवा मात्र होइन मिनी सांसद मानिने संसदका समितिहरुमा कांग्रेस र नेकपाका शीर्ष नेता हम्मेसी पुग्दैनन् । देउवा भने आज फुर्सद निकालेर समिति बैठकमा पुगे ।

देउवाको उपस्थितिलाई लिएर सांसदहरुवीच कुराकानी चल्दा नचल्दै उठेर हिडें ।