अविरल बर्षाका कारण १ अर्ब २ करोड ७२ लाख ४५ हजार क्षति

काठमाडौं-अविरल बर्षाका कारण भएको बाढी पहिरोमा परेर हालसम्म ९० जनाको मृत्यु भएको पाइएको छ भने २९ जना बेपत्ता र ४१ जना घाइते भएका छन् |

२६ असारदेखि परेको अविरल वर्षाका कारण बाढी पहिरो र डुबानमा परेर ३४ जिल्लाका ९० जनाको मृत्यु ,२९ जना बेपत्ता र ४१ जना घाइते भएका हुन् |

१० दिन आएको अविरल बर्षाले १ अर्ब २ करोड ७२ लाख ४५ हजार ५ सय रुपैयाँ क्षति भएको गृह मन्त्रालयले जनाएको छ ।

गृह मन्त्रालयको आपतकालीन कार्यसञ्चालन केन्द्रले दिएको तथ्यांकअनुसार २६ असारदेखि परेको अविरल वर्षाका कारण मुलुकभरको जनजीवन प्रभावित भएको हो ।