टिप्परमा स्कुटर ठोक्किँदा सञ्जयको मृत्यु

काठमाडौँ- टिप्परमा स्कुटर ठोक्किँदा एक जनाको मृत्यु भएको छ | मृत्यु हुनेमा स्कुटर चालक सञ्जय ठकुरी रहेका छन् । दुर्घटनामा परि एक जना घाइते भएका छन् ।

शुक्रबार राति केशर महल चोकमा रोकिराखेको ना ३ ख ७५६१ नम्बरको टिप्परमा बा ९२ प ६५ ६५ नम्बरको स्कुटर ठोक्किँदा घाइते भएका ठकुरीको उपचारको क्रममा शनिबार बिहान मृत्यु भएको हो |

दुर्घटना पछि ठकुरीलाई उपचारका लागि नेसनल अस्पताल कलंकीमा पुर्याइएको थियो | उनको उपचारकै क्रमम मृत्यु भएको प्रहरीले जनाएको छ | ३५ वर्षीय ठकुरी काठमाण्डौ बुढानीलकण्ठ निवासी हुन् |

स्कुटर पछाडि बसेका कलंकीका विशाल लुइँटेलको अहिले ट्रमा सेन्टरमै उपचार भैरहेको छ ।