मदुरोका छोरा निकोलास अर्नेस्टो मदुरो गुएराससँग प्रचण्डकाे भेटले राजनीतिक तरंग

काठमाडाै-भेनेजुएलाका राष्ट्रपति निकोलास मदुरोका छोरा निकोलास अर्नेस्टो मदुरो गुएराससहितको भेनेजुएलाली टोलीलाई सत्तारुढ नेकपाका नेताहरुबाट भएको अनौपचारिक तथा व्यक्तिगत भेटघाटले नेपालको कूटनीतिक क्षेत्रलाई असर पार्ने देखिएको छ ।

यस विषयमा सुहाउदो कूटनीतिक मर्यादाको पालना गर्न कमीकमजोरी भएको देखिएको संबद्ध विज्ञहरुले बताएका छन् ।

अमेरिकाले भेनेजुएली राष्ट्रपति निकोलास मदुरोलाई बलपूर्वक सत्ताबाट हटाउन खोजेको भनिएको विषयमा सत्ताधारी पार्टीका नेताका रुपमा अध्यक्ष पुष्पकमल दाहाल प्रचण्डले विज्ञप्ति जारी गरेको विरोधसम्मको विषयले कूटनीतिक क्षेत्रमा पार्ने असरभन्दा यो भेटघाटले बढी प्रभाव पार्ने उनीहरुको बुझाई छ ।

चार दिनको बसाईपछि मदुरोको टोली फर्केपनि नेपालको कूटनीतिक क्षेत्रमा यसले हल्लाइरहने देखिएको छ ।