कोरियामा पनि जात्रा हाउसफुल

सोल – जात्रा फिल्मले प्रद्दर्शनको ५१ दिन मनाएको छ । हाउसफुलका साथ चलिरहेको जात्राले सनिबार बिशेष कार्यक्रम गरि प्रदर्शनको ५१ दिन मनाएको हो । नेपालमा दर्शकको ब्यापक माया बटुलेको जात्रालाई दक्षिण कोरियाका नेपालीहरुले पनि प्रशंशा गरेका छन ।

दक्षिण कोरियाको जिन्जु र बुसानमा गरिएको प्रदर्शनमा उपस्थित दर्शकहरुले जात्राको खुलेर प्रशंशा गरेका थिए । उल्लेख दर्शकहरुले हल भरिएका ति स्थानहरुमा चलचित्रका मुख्य कलाकारहरुको अभिनयको तारिफ गरे । चलचित्रको कथाबस्तुले लोभ्याएको उनिहरुले प्रतिक्रिया दिए ।

 
नेपाल पत्रकार महासंघ दक्षिण कोरिया शाखाद्वारा प्रदर्शित जात्रा जनवरी ८ मा छिन्छ्न र थेगुमा लाग्दैछ भने सोलमा जनवरी १५ मा प्रदर्शन गरिने छ । नेपालमा ५१ दिनको व्यवसायिक सफलता प्राप्त गरेको चलचित्रलाई ति स्थानका दर्शकहरुले व्यग्र प्रतिक्षा गरेका छन ।

 
परोपकारी कोष स्थापनाका लागि प्रदर्शित चलचित्रको शोका लागि ति सबै स्थानहरुमा तयारी पुरा गरिएको छ । दक्षिण कोरियामा पहिलोपटक जात्रालाइ छिन्छ्न शहरमा मेघा बक्स हलमा प्रदर्शन गर्न लागिएको छ । मेघाबक्स सिनेमा हल अत्याधुनिक अन्तराष्ट्रिय सिनेमा हल हो ।

 
मौलिक संबाद र कलाकारको प्राकृतिक अभिनयले दर्शकको मन तानेको छ । रंगमंचबाट ठुलो पर्दामा आएका बिपिन कार्की ,रबिन्द्र सिंह बानिया रबिन्द्र झाको संबाद कलालाई धेरैले मन पराएका छन । नेपाली चलचित्र नाइँ नभन्नु ल ४ बाट डेब्यु गरेकी वर्षा राउतले एकपछि अर्को सफलता हात पारेकी छन छक्का पन्जामा दरिलो अभिनय गरेकी राउतको जात्राको अभिनय दमदार रहेको छ ।